Adaye Ishq Hu Ghazal By Ali Ziryon

 Adaye Ishq Hu Poetry By Ali Ziryon 💗

غزل

ادائے عشق ہوں پوری انا کے ساتھ ہوں میں

خود اپنے ساتھ ہوں یعنی خدا کے ساتھ ہوں میں

مجاوران ہوس تنگ ہیں کہ یوں کیسے

بغیر شرم و حیا بھی حیا کے ساتھ ہوں میں

سفر شروع تو ہونے دے اپنے ساتھ مرا

تو خود کہے گا یہ کیسی بلا کے ساتھ ہوں میں

میں چھو گیا تو ترا رنگ کاٹ ڈالوں گا

سو اپنے آپ سے تجھ کو بچا کے ساتھ ہوں میں

درود بر دل وحشی سلام بر تپ عشق

خود اپنی حمد خود اپنی ثنا کے ساتھ ہوں میں

یہی تو فرق ہے میرے اور ان کے حل کے بیچ

شکایتیں ہیں انہیں اور رضا کے ساتھ ہوں میں

میں اولین کی عزت میں آخرین کا نور

وہ انتہا ہوں کہ ہر ابتدا کے ساتھ ہوں میں

دکھائی دوں بھی تو کیسے سنائی دوں بھی تو کیوں

ورائے نقش و نوا ہوں فنا کے ساتھ ہوں میں

بہ حکم یار لویں قبض کرنے آتی ہے

بجھا رہی ہے؟ بجھائے ہوا کے ساتھ ہوں میں

یہ صابرین محبت یہ کاشفین جنوں

انہی کے سنگ انہیں اولیا کے ساتھ ہوں میں

کسی کے ساتھ نہیں ہوں مگر جمال الہ

تری قسم ترے ہر مبتلا کے ساتھ ہوں میں

زمانے بھر کو پتا ہے میں کس طریق پہ ہوں

سبھی کو علم ہے کس دل ربا کے ساتھ ہوں میں

منافقین تصوف کی موت ہوں میں علیؔ

ہر اک اصیل ہر اک بے ریا کے ساتھ ہوں میں

علی زریون

Like, Comment, and Share it    👇                 

Tags:-

Urdu poetry, Urdu poetry 2 lines, Urdu poetry love, Urdu poetry sad, Urdu poetry for dp, Urdu poetry for friends, Urdu Shayari, Urdu short poetry, 

Urdu shayari love, Urdu Shayari Sms, Urdu Shayari, Urdu shair, Urdu shero shayari, Shayari, Shayari in urdu, Shayari poetry, Shayari urdu love, poetry in urdu attitude.

Urdu Poetry in Urdu Text Attitude, quotes about poetry, famous urdu poetry, poetry in urdu text, beautiful poetry in urdu text, sad urdu ghazal, best ghazal in urdu, short ghazal in urdu, short love ghazal in urdu, best urdu shayari, shayari in urdu attitude, shayari in urdu sad, sad shayari in urdu text.